Gjatë 24 orëve të fundit në vendin tonë janë regjistruar 14 raste të reja me koronavirus, duke e çuar numrin e të infektuarve në 562.
Nga rastet e reja 7 i përkasin Krujës, 5 Tiranës dhe 2 Shkodrës, një prej të cilëve është personel shëndetësor.
Po ashtu, janë shëruar 12 pacientë dhe tashmë numri i përgjithshëm i të shëruarve është 314.
Aktualisht në vendin tonë janë 242 persona të infektuar aktiv dhe numri i të shëruarve është më i lartë se rastet aktive, prej mëse një jave.
Në Spitalin Infektiv janë 34 të shtruar, 6 prej të cilëve në terapi intensive dhe në spitalin “Shefqet Ndroqi” janë 8 pacientë të shëruar, 4 në terapi intensive dhe 4 në pavion.
Harta e të prekurve nga Covid-19 zgjerohet në Tiranë, Shkodër dhe Krujë.
Deri tani 26 qytetarë kanë humbur betejën me koronavirusin.
Shpërndarja gjeografike e rasteve pozitive, është si vijon:
– Tiranë 251 raste
– Durrës 42 raste
– Lushnje 6 raste
– Elbasan 16 raste
– Fier 36 raste
– Kavajë 9 raste
– Rrogozhinë 4 raste
– Korçë 19 raste
– Vlorë 5 raste
– Shkoder 96 raste
– Lezhë 14 raste
– Berat 2 rast
– Has 13 raste
– Krujë 18 raste
-Tropojë 4 raste
– Pukë 5 raste
– Kukës 11 raste
-Mallakastër 1 rast
– Mirditë 3 raste
-Kurbin 7 raste
Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social. Sic e tregojnë edhe shifrat e ditëve të fundit, ku ka raste brenda të njëjtës familje, është e rëndësishme që masat e kontrollit të infeksionit të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye për të parandaluar transmetimin e COVID-19.
