Shtetet e Bashkuara i janë afruar regjistrimit të 200,000 vdekjeve me koronavirus, ndërkohë që presidenti amerikan, Donald Trump, ka pretenduar se më e keqja ka kaluar për amerikanët.
Mesatarisht rreth 800 amerikanë janë duke humbur jetën brenda një dite si pasojë e këtij virusi, ndonëse kjo shifër ka rënë nga 2,800 vdekje sa regjistroheshin në mesin e muajit prill.
Shumë ekspertë shëndetësorë amerikanë kanë parashikuar në muajt e parë të pandemisë se rreth 200,000 amerikanë do të vdesin nga sëmundja COVID-19, që shkakton koronavirusi,
“Ne po i afrohemi këndit përfundimtar të pandemisë, me apo pa vaksinë, ne kemi bërë punë fantastike – jo vetëm punë të mirë – punë fantastike”,- ka thënë Trump.
Kritikët e Trump, e kanë akuzuar atë se, ka dështuar që të analizojë seriozitetin e kërcënimit të këtij virusi, duke përfshirë dilemat për rëndësinë e maskës.
Evropa, në anën tjetër, po përballet me valë të dytë të pandemisë.
Spanja, Franca dhe Mbretëria e Bashkuar janë në mesin e shteteve që kanë regjistruar mijëra të persona të infektuar brenda një dite, duke shtyrë disa shtete që t’iu rikthehen masave të izolimit.
Koronavirusi i ri ka infektuar më shumë se 31 milionë persona në gjithë botën, derisa ka lënë të vdekur 963,000 persona në të gjithë botën.
Fillimisht, për këtë virus është raportuar në Vuhan të Kinës, në fund të vitit të kaluar.
Shtetet e Bashkuara, India dhe Brazili, kanë raportuar rreth gjysmën e të gjitha rasteve të konfirmuara.
/Burimi: REL/ GazetaReforma.com/
