Italia ka raportuar 232 vdekje të lidhura me koronavirusin këtë të dielë, më pak nga 251 që kanë qenë një ditë më parë, thuhet në njoftimin e Ministrisë së Shëndetësisë, ndërsa numri i përditshëm i infeksioneve të reja ra në 13,452 nga 14,931 që ishte dje.Rreth 250,986 teste për COVID-19 u kryen ditën e kaluar, krahasuar me 306,078 më parë, ka thënë ministria.
Italia ka regjistruar 95,718 vdekje si pasojë e koronavirusit që nga fillimi i pandmisë në shkurt të vitit të kaluar. Ky është numri i dytë më i lartë i të vdekurve në Evropë pas Britanisë dhe i shtati më i lartë në botë. Vendi ka raportuar rreth 2.81 milion raste të infeksionit. Numri i pacientëve në spital, duke përjashtuar ata qe jane në kujdesin intensiv, ishte 17,804 këtë të dielë, krahasuar me 17,725 që ishin një ditë më parë.
Kishte 125 pranime të reja në njësitë e kujdesit intensiv, nga 137 qe ishin të shtunën. Numri i përgjithshëm i pacientëve me kujdes intensiv u rrit në 2.094 nga 2.063 që ishin më parë. Në kulmin e valës së dytë të epidemisë në Itali, në gjysmën e parë të nëntorit, pranimet në spitale po rriteshin me rreth 1.000 në ditë, ndërsa shtrimi në repartin e kujdesit intensiv u rrit me rreth 100 në ditë.
