Italia është shteti më i prekur në Europë nga koronavirusi.
Sipas mediave italiane, në vend janë shënuar 79 viktima deri më tani, ndërsa numri i të infektuarve ka shkuar mbi 2500.
Megjithatë ka edhe lajme të mira, pasi rastet e reja janë ulur krahasuar me një ditë më parë, ndërsa janë shëruar 160 persona.
Nisur nga kjo situatë, qeveria italiane ka përgatitur një plan ekonomik intensiv, që përfshin ulje taksash dhe rritje kredish deri në shumë 3.6 miliardë euro.
Si pasojë e shpërthimit të koronavirusit, në Itali janë pezulluar një sërë shërbimesh publike, ndër to edhe lëshimi i lejeve për emigrantët.
Koronavirusi ka penalizuar edhe sportin, pasi gjatë fundjavës që lamë pas janë shtyrë shumë ndeshje, ndërsa po diskutohet për zhvillimin e tyre me porta të mbyllura.
