Që nga janari e deri tani koronavirusi ka pushtuar botën, duke marrë të gjithë vëmendjen e mundshme si një virus i panjohur që deri tani ka vrarë 75, 000 njerëz dhe ka shkaktuar 1, 364, 711 të infektuar.
Mirëpo, të dhënat zyrtare tregojnë se vdekjet për shkaqe të tjera, që nuk lidhen COVID-19 janë në një numër shumë herë më të madh shkruan Abc News.
Nga 1 janari deri më tani, kanë ndërruar jetë 3.5 milionë persona nga shkaqe të ndryshme, si: kanceri, alkooli, aksidentet, etj, dhe në 24 orët e fundit, nga po të njëjtat shkaqe, kanë ndërruar jetë 19 mijë persona.
Sakaq, nga gripi sezonal kanë ndërruar jetë 130 mijë viktima, 706 nga të cilët vetëm 24 orët e fundit.
Po ashtu, e lartë është edhe shifra e viktimave që kanë humbur jetën si pasojë e HIV AIDS: 450 mijë viktima në vit dhe 2,454 në vetëm 24 orët e fundit.
Ndërkohë, i frikshëm duket edhe bilanci i vdekjeve si pasojë e kancerit, që ka shkaktuar rreth 2 milionë e 194 mijë viktima, mbi 12 mijë prej të cilëve ditën e fundit.
Problematikë tepër serioze vijon të mbetet edhe duhanpirja me mbi 1 milion e 335,000 viktima nga të cilët 7,320 gjatë 24 orët e fundit, teksa konsumi i tepruar i alkoolit ka vrarë 668 mijë persona, 3,670 prej të cilëve në 24 orët e fundit.
Po ashtu, si pasojë e aksidenteve rrugore janë mbi 360 mijë persona të vdekur, 1,990 janë shënuar vetëm 24 orët e fundit.
