Disa qytete të Shqipërisë janë kthyer sërish në vatra infeksioni të koronavirusit si disa muaj më parë, duke kapur rekorde të reja.
Kështu, një shifër rekord është shënuar në 24 orët e fundit në qarkun e Korçës, ku 88 raste të reja ishin mes testimeve të kryera në Qark, ndërsa rastet ndahen në 4 Bashki.
Përkatësisht 52 në Korçë, 29 në Pogradec, 4 në Kolonjë dhe 3 në Devoll, ndërsa janë shënuar dhe 2 humbje jete në bashkinë e Korçës.
Ajo që vihet re mes rasteve të afishuara ditën e sotme nga ministria është se, vijon të rritet numri i infektimeve në institucionet arsimore.
Nga 52 rastet në Bashkinë e Korçës, 10 prej tyre janë mësues duke e çuar numrin e mësuesve aktivë mbi 50.
Po ashtu nga 29 rastet e sotme të qytetit të Pogradecit 2 prej tyre janë mësues, çka e bën numrin ne total të mësuesve aktive të infektuar në 16.
Mësues të infektuar ka pasur edhe në shkollat e qytetit të Kolonjës, por nuk ka një shifër ekzakte pasi nga drejtoria e shëndetit publik të kësaj bashkie informacioni është tejet i rezervuar.
Numri në total për gjithë qarkun e Korçës ka shkuar në 934, ndërkohë që afro 80 prej tyre janë mësues.
/GazetaReforma.com/
