SPAK ka reaguar pas kontrolleve të kryera në banesën e kryebashkiakut të Tiranës, Erion Veliaj.
“Prokuroria e Posaçme kundër Korrupsionit dhe Krimit të Organizuar informon se janë ndërmarrë disa veprime hetimore në kuadër të një procedimi penal. Hetimi ndodhet ende në fazën paraprake, prandaj nuk mund të publikojmë informacion shtesë në këtë moment,” thuhet në njoftimin zyrtar të SPAK.
Gjatë kontrollit në banesën e Veliajt, agjentët e BKH-së sekuestruan një telefon të bashkëshortes së tij, Ajola Xoxa. Operacioni u zhvillua në mëngjes, në bazë të një kërkese të SPAK të miratuar nga GJKKO. Sipas burimeve jozyrtare, kontrolli lidhet me një hetim pasuror ndaj kryebashkiakut të Tiranës.
Ndërkohë, Erion Veliaj ndodhet në Hamburg të Gjermanisë për një vizitë zyrtare, ku është takuar me Kryebashkiakun e Parë të Hamburgut, Peter Tschentscher, Presidenten e Parlamentit të Hamburgut, Carola Veit, dhe anëtarë të Komitetit për Çështjet Europiane.
