SPAK ka nisur një aksion sot në Shkodër, duke kryer kontrolle të shumta lidhur me ngjarjen e dhunshme të ndodhur në Dobraç vitin e kaluar.
Një prej personave që pritej të shoqërohej ishte Safet Bajri, por ai nuk është gjendur nga autoritetet.
SPAK ka urdhëruar arrestimin e 4 të dyshuarve për përplasjen me armë në Bushat, ngjarje që ndodhi më 23 gusht 2024.
Dy prej tyre, Izmir Sakica dhe Samuel Troshani, u vetëdorëzuan pak javë më parë në polici, pasi ishin në kërkim për dhunën ndaj Vladimir Brucit.
Ata janë njohur me akuzat e reja për krijimin e kushteve për vrasje dhe formimin e grupit kriminal.
RENEA ka ndërmarrë një aksion për arrestimin e dy personave të tjerë, por ata nuk janë gjetur.
Gjykata e Posaçme ka kryer kontroll në shtëpitë dhe bazat e grupit Bajri, përfshirë edhe në shtëpinë e Safet Bajrit.
Sakica dhe Troshani pretenduan se ishin sulmuar, por ekspertiza ka treguar se Samuel Troshani ka shtënë me armë gjatë përplasjes, pasi janë gjetur gjurmë të plumbave në dorën e tij.
Përveç kësaj, grupi i Sakicës dhe Bajrit është nën hetim edhe për masakrën e 30 tetorit 2024 në Dobraç, ku u ekzekutuan Hamza Lici dhe Arlind Bushati, dhe ku bashkëshortët Flutura dhe Bashkim Basha humbën jetën në një aksident.
