Gjatë kontrolleve të kryera nga policia në disa fshatëra në Krujë mësohet se janë zbuluar toka ku po kultivohej drogë. Sipas njoftimit të policisë nga kontrollet e kryera në në fshatin Burz Mal dhe në fshatin Shkretë, u konstatuan disa ambiente të përshtatura për kultivim.
Brenda këtyre ambienteve mësohet se janë gjetur 1150 bimë kanabis. Më tej në njoftimit të policisë bëhet me dije se bimët janë asgjësuar përmes djegies. Në lidhje me drogën nuk ka të arrestuar.
Njoftimi i plotë:
Krujë/ Komisariati i Policisë Krujë, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, në vijim të punës për parandalimin e kultivimit të bimëve narkotike dhe në zbatim të masave të përcaktuara në planin operacional “Territor i pastër”, ka vijuar kontrollet në terren.
Gjatë kontrolleve në fshatin Burz Mal dhe në fshatin Shkretë, u konstatuan disa ambiente të përshtatura për kultivim, në të cilat u gjetën 1150 bimë të dyshuara narkotike kanabis. Një pjesë e tyre u sekuestrua në cilësinë e provës materiale, ndërsa pjesa tjetër u asgjësua me anë të djegies. Materialet procedurale i kaluan Prokurorisë, për veprën penale “Kultivimi i bimëve narkotike”, parashikuar nga neni 284 i Kodit Penal.
