Orët e para të mëngjesit të së shtunës, forca të shumta nga policia e Gjirokastrës kanë zbarkuar në fshatin Lazarat për një kontroll të befasishëm.
Shkak për këtë duket se është bërë një telefonatë anonime në sallën operative të Komisariatit të Policisë në Gjirokastër, ku një person ka deklaruar se në fshat kishte ndodhur një përplasje e armatosur mes dy grupeve rivale.
Personi anonim gjithashtu ka raportuar se nga përplasja kishte pasur pasoja.
Efektivët e policisë u nisën menjëherë drejt Lazaratit dhe rrethuan zonën duke ngritur dy postoblloqe, por pas kërkimeve, rezultoi se nuk kishte pasur asnjë përplasje dhe se alarmi kishte qenë fals.
(Shqiptarja.com)
