Mbrëmjen e 6 shtatorit në pranga kanë rënë dy vëllezërit Roland Canin dhe Shpëtim Canin të cilët kishin kaluar një sasi nafte kontrabandë nëpërmjet peshkarexhës.
20 ditë burg për Shpëtim Canin dhe “Detyrin paraqitje” për Roland Canin, ky është vendimi i marrë ditën e sotme në Gjykatën e Shkallës së Parë Durrës, për dy të shoqëruarit.
Ndërkohë kapja e sasisë së naftës u bë e mundur nga aksioni i strukturës doganore Antikontrabanda Detare në bashkëpunim me policinë kufitare në Durrës, të cilët bllokuar tre ditë më parë një peshkarexhë me 25 mijë litra naftë kontrabandë.
Gjatë intensifikimit të kontrolleve në anijen ‘Leon’, u vu re se në depot e brendshme të karburantit të saj kishte edhe një sasi prej rreth 50.000 litrash naftë kontrabandë.
Peshkatorja është ankoruar në ish-peshkimin e vjetër ku po i nënshtrohet kontrollit, pranë terminalit të trageteve.
Sipas burimeve policore, peshkarexha vinte nga vendet e Lindjes, ndërsa nafta ishte planifikuar për t’u hedhur në tregun e brendshëm. Peshkatorja është ankoruar në ish-peshkimin e vjetër ku po i nënshtrohet kontrollit, pranë terminalit të trageteve.
Në korrik të këtij viti, policia sekuestroi 80 mijë litra karburant të futur kontrabandë përmes një peshkarexhe në port. Anti-kontrabanda detare po vijon kontrollet intensive, duke u fokusuar tek mjetet lundruese.
