Gjykata e Posaçme e Apelit ka vendosur të mbajë në burg efektivin e policisë, Armand Marvataj, i cili dyshohet se ka marrë një shumë prej 10 mijë eurosh për të lejuar nxjerrjen e një sasie të konsiderueshme nafte të bllokuar në Durrës.
Marvataj, i cili kishte detyrën të ruante anijen “AYAZANOYBYA” të Tanzanisë, e sekuestruar më 13 janar 2025, është përfshirë në hetimet e SPAK për korrupsion dhe mund të ketë marrë pjesë në një operacion kontrabande nafte.
Njoftimi:
Gjykata e Posaçme e Apelit ka lënë në burg efektivin e policisë Armand Marvataj, që dyshohet se ka përfituar 10 mijë euro për ta lejuar porositësit e saj të marrnin një sasi të konsiderueshme nafte e bllokuar në Durrës.
Efektivit të Policisë, Marvataj i ishte caktuar detyra të ruante anijen “AYAZANOYBYA” të Tanzanisë, e sekuestruar më 13 janar të këtij viti me 200 ton naftë kontraband. Sipas SPAK, nxjerrja e lëndës djegëse është bërë në mes të ditës, rreth orës 15:00 të 27 janarit në Porto Romano, ku anija ishte ankoruar që prej sekuestrimit me vendim gjykate.
Agjentët e AMP dhe Policia e Durrësit, bënë ri-këqyrje të anijes, përfshirë edhe pamjet filmike të kamerave të sigurisë në Porto Romano, të cilat kanë filmuar momentet e nxjerrjes së naftës, e cila është marrë me tub përmes një pompe dhe është ngarkuar në autobot. Nga ekspertimi i mostrave të marra në anije rezultoi se nafta ishte zëvendësuar me ujë.
