Janë të shumtë frutat dhe perimet që ndihmojnë në përmirësimin e cilësisë së jetës, ose edhe kurojnë apo janë ndihmës për luftimin e sëmundjeve të ndryshme.
Por kohët e fundit njerëzit janë fiksuar pas disa frutave ekzotike, të cilët reklamohen për vlera të larta si ushqyese ashtu edhe kurative.
E tillë duket se është edhe fruti i avokados, me tul kremoz si të gjalpit, që ofron vlera të mrekullueshme për shëndetin por me kosto të mëdha në mjedis.
Konsumi global i avokados luhatet diku tek 3-4 kg avokado për frymë/vit, e disa njerëz konsumojnë më tepër duke ngrënë avokado çdo ditë.
Por ja se çfarë ndodh në organizëm nëse konsumojmë avokado çdo ditë.
Mund të dobësoheni
Duke qenë se avokadot kanë një përmbajtje të lartë fibre dhe yndyrash mono të-pangopura, ato të ngopin shpejt dhe të mbajnë të ngopur për më gjatë, të paktën 3 orë.
Gjysmë avokado përmban 10 gramë yndyra mono-të-pangopura dhe 5 gramë fibër.
Studimet thonë se, njerëzit që hanë avokado rregullisht, janë më të prirë që të duan të vazhdojnë trendin e ushqyerjes së shëndetshme, duke ngrënë më shumë fruta dhe perime.
Ky kombinim është fitues, jo vetëm për shëndetin por edhe për rënien nga pesha, sepse trupi merr të gjithë ushqyesit e nevojshëm.
Një avokado në ditë dhe i thua kardilogut ‘Ik’
Avokado përmban kalium, një mineral që ul tensionin e gjakut. Një filxhan çaji me copa avokado ofron 728 mg kalium, ose 300 mg më shumë se një banane mesatare.
Kaliumi pastron trupin nga kripa e tepërt, pastron enët e gjakut dhe mbron zemrën.
Përveç pastrimit të enëve të gjakut, avokado ndihmon në uljen e kolesterolit të keq dhe e mban zemrën të shëndetshme.
Rreziku i diabetit të tipit 2 ulet
Studiuesit kanadezë kanë zbuluar se substanca “avocatin B” që gjendet tek avokado, pengon proceset qelizore që përbëjnë pikënisjen e diabetit të tipit 2.
Kjo substancë e bën trupin të përpunojë më mirë glukozën në gjak dhe të përmirësojë reagimin ndaj insulinës.
Sipas tyre, njerëzit që hanë avokado, rregullisht përballen me një rrezik të ulët të ndjeshmërisë ndaj insulinës dhe diabetit të tipit 2.
/GazetaReforma.com/
