Kryetari i Kuvendit të Kosovës, Glauk Konjufca, ka reaguar pas takimit të zhvilluar sot mes kryeministrit Albin Kurti dhe presidentit të Serbisë, Aleksandër Vuçiç, në Bruksel. Konjufca në fjalën e tij, deklaroi se institucionet e vendit duhet të bëjnë një verifikim të marrëveshjeve të arritura në dialogun me Serbinë.
Kryeparlamentari Konjfuca, gjatë tryezës së KDI-së me kryetarët e komisioneve parlamentare, tha se roli i komisioneve parlamentare duhet të jetë më i madh në këtë proces. Ai tha se në kuadër të dialogut, Serbia po përdorë standarde të dyfishta, duke mos implementuar marrëveshjet, sikur ajo e diplomave, derisa kërkon themelim të asociacionit të cilën Gjykata Kushtetuese e ka rrëzuar.
“Këto janë ndoshta edhe standardet e dyfishta që mundemi t’i identifikojmë në procesin e dialogut me Serbinë. Ajo çfarë Serbia po konsideron si një pozicionim strategjik se ne do të na kërkoj ato që janë nënshkruar, e ne faktikisht përmes institucioneve tona dhe rendit kushtetuese i kemi hedhur poshtë sepse vërtet marrëveshja për Zajednicën ka qenë e tillë, i ka shkelë fundamentet kushtetuese të Kosovës.
Ata me të njëjtin argument duan të përfitojnë diçka në dialog, në raport me neve ku vet me metodat e njëjta kanë pas qajse për marrëveshje të caktuara”, ka thënë mes të tjerash Glauk Konjufca.
