Kongresmeni amerikan, Ritchie Torres, ka reaguar në lidhje me deklaratën e djeshme të presidentit serb Aleksandër Vuçiç dhe kushtet që ku i fundit vuri për normalizimin e marrëdhënies me Kosovën.
Ai shprehet në rrjetin e tij social X se nuk do të ketë një rikthim të tillë e se historia është në anën e pavarësisë së Kosovës.
“Serbia po kërkon që Kosova të dorëzojë sovranitetin e saj dhe të kthehet në “status quo ante”. Nuk do të ketë një rikthim të tillë. Kosova është një vend i pavarur dhe do të mbetet i tillë në përjetësi, e ndihmuar nga miku i saj më i madh: Shtetet e Bashkuara të Amerikës. Historia është në anën e pavarësisë së Kosovës. Aleksander Vuçiç është në anën e gabuar të historisë.”-shkruan kongresmeni amerikan.
