Ambasadorja e Shteteve të Bashkuara të Amerikës, Yuri Kim ka mirëprituer në Tiranë Kongresmenin amerikan Mike Quigley i cili përfaqëson distriktin e 5-të të Illinois.
Mësohet se Kongresmeni ka qëndruar dy ditë në Tiranë, përkatësisht në datat 18 dhe 19 gusht ndërsa mësohet se ka zhvilluar edhe një takim me ministrin e Mbrojtjes, Niko Peleshi. Lajmin e ka bërë të ditur vetë ambasada amerikane me anë të një postimi në rrjetet sociale, ku ndër të tjera ka zbuluar edhe se Quigley ka vizituar bazën ajrore të Kuçovës. Gjithashtu bëhet me dije se baza e Kuçovës do të marrë një financim prej 58 milionë dollarësh nga NATO, për ta modernizuar atë tërësisht, në mbështetje të transportit ajror, logjistikës, politikave ajrore dhe trajnimeve të NATO-s
“Ambasadorja Kim mirëpriti Kongresmenin e Shteteve të Bashkuara Mike Quigley në Shqipëri këtë javë. Kongresmeni përfaqëson distriktin e 5-të të Illinois dhe në datat 18 dhe 19 gusht ishte në Tiranë, ku u takua me Ambasadoren Kim, Ministrin e Mbrojtjes Niko Peleshi, Shefin e Shtabit Begaj dhe vizitoi bazën ajrore të Kuçovës. Baza e Kuçovës do të marrë një financim prej 58 milionë dollarësh nga NATO, për ta modernizuar atë tërësisht, në mbështetje të transportit ajror, logjistikës, politikave ajrore dhe trajnimeve të NATO-s”, shkruan ambasada e SHBA.
