Lufta kundër COVID-19 po bëhet çdo ditë e më e ashpër, teksa SHBA renditet e para në rang botëror me numrin më të madh të të infektuarve, që deri tani është 86,548 persona.
Duke qenë se masat parandaluese për përhapjen e COVID-19 parashikojnë mbylljen e një sërë biznesesh, koronavirusi pritet të shkaktojë një krizë të madhe ekonomike në gjithë botën.
Kështu, shtete të ndryshme kanë parashikuar paketa të ndryshme në ndihmë të bizneseve.
Së fundmi, Kongresi amerikan në SHBA ka miratuar me shumicë votash paketën e ndihmës ekonomike 2 trilion dollarë, duke ia kaluar atë Presidentit të SHBA, Donald Trump për të firmosur faturën që do paguajë SHBA nga buxheti i saj për qytetarët e saj, familjet në nevojë apo me ndihmë ekonomike si dhe për biznesin e vogël, të mesëm dhe të madh.
Kjo është paketa ekonomike më e madhe që ka aprovuar ndonjëherë SHBA në historinë e saj.
Kujtojmë se edhe qeveria shqiptare ka miratuar një plan financiar prej 7 pikash:
- 2.5 mld lekë (20 mln euro) për Ministrinë e Shëndetësisë për luftën në vijën e zjarrit për pajisje dhe mbështetje për personelin mjekësor
- 10 mld lekë (80 mln euro) përmes garancisë sovrane për kompanitë që kanë vështirësi objektive për pagat e punonjësve
- 6.5 mld lekë (53 mln euro) për nevojat imediate për shtresat në nevojë për biznesin e vogël dhe papunësinë e mundshme
- 2 mld lekë (16 mln euro) për ministrinë e Mbrojtjes për operacionet humanitare
- 1 mld lekë (8 mln euro) për qeverinë për cdo urgjencë të paparashikuar
- Do të fshihen përgjithmonë kamat-vonesat për debitorët aktivë të energjisë familjarë apo biznes i vogël me efekt 15 mld lekë (120 mln euro) do të përfitojnë 211024 abonentë
- Do të riskedulohen në gjashtë mujorin e dytë të 2020 dhe në vijim tatim fitimin për të gjithë biznesin nga fasha nga 2-14 mln lekë xhiro.
