Shtetasi Aleksandër Dauti, 25 vjeç, banues në Sarandë, është arrestuar nga Policia e Shtetit, pasi mbrëmjen e djeshme në lagjen nr. 1 të qytetit të Sarandës, gjatë një konflikti për motive të dobëta, ka goditur me mjete të forta shtetasin P. S., 51 vjeç, banues po ashtu në Sarandë. Ky i fundit, ndodhet në spital jashtë rrezikut për jetën dhe nën kujdesin e mjekëve.
Ndërkohë, specialistët për Hetimin e Trafikut të Paligjshëm dhe Narkotikëve bënë arrestimin në flagrancë të shtetasit me inicialet S. P., 19 vjeç, pasi gjatë kontrollit fizik, të dy shtetasve iu gjetën dhe iu sekuestruan 8 doza me lëndë narkotike e dyshuar kanabis.
Specialistët për Hetimin e Krimit në Komisariatin e Policisë Vlorë, në vijim të punës për kapjen e personave në kërkim dhe vënien e tyre para përgjegjësisë penale, ndaluan shtetasin S. H., 34 vjeç banues në Vlorë, pasi Gjykatës së Rrethit Gjyqësor Vlorë, ka caktuar masën e sigurimit “Arrest në burg”, për veprën penale “Vjedhja”.
Specialistët për Hetimin e Krimeve në Komisariatin e Policisë Sarandë arrestuan në flagrancë për veprën penale “Dhuna në familje”, shtetasin E. A., 33 vjeç, banues në Sarandë, pasi ka ushtruar dhunë fizike ndaj nënës së tij. Materialet hetimore i kanë kaluar Gjykatës së Sarandës për procedurat e mëtejshme.
