Dy gazetarë të së përditshmes franceze Le Monde, gjatë raportimit në frontin e luftës në rajonin e Nagorni-Karakut, të kontestueshëm midis Armenisë dhe Azerbajxhanin, janë plagosur nga shkëmbimi i zjarrit midis ushtrisë armene dhe azere.
Gjatë një deklarata për media, presidenti francez Emmanuel Macron ka bërë të ditur se Ministria e Jashtme Franceze është duke punuar për të organizuar riatdhesimin e gazetarëve sa më shpejt.
“Një avion mjekësor privat është gati të niset. Ne po bëjmë gjithçka për të stabilizuar të plagosurit në vend para se të lejojmë evakuimin e tyre”– ka deklaruar presidenti Macron.
Ministria e Jashtme franceze ka bërë me dije se të dy gazetarët francezë të plagosur në frontin e luftës, ishin në gjendje kritike për jetën dhe janë operuar fillimisht nga mjekët vendas dhe më pas do të transportoheshin drejt kryqytetit armen, Jerevan.
Gazeta Le Monde kishte konfirmuar më herët se një reporter dhe fotograf që punonte për të përditshmen ishin plagosur në një bombardim nga forcat azerbajxhanase. /GazetaReforma.com/
