Një konflikt mes dy të rinjve ka ndodhur në qytetin e Lezhës, fillimisht pranë rrethrrotullimit të katedrales dhe më pas ka vazhduar në rrugën e kalasë, në lagjen Varosh.
Gjatë përplasjes, njëri prej tyre ka pësuar dëmtime të rënda në kokë dhe ka kërkuar ndihmë mjekësore në spitalin e Lezhës.
Autori i dyshuar i incidentit është ende në kërkim nga policia, ndërsa dyshohet se ka pësuar edhe ai disa dëmtime.
Njoftimi i Policisë:
Lezhë/Informacion paraprak
Rreth orës 11:30, në qytet, shtetasi R. M. dyshohet se ka goditur me sende të forta shtetasin F. Gj., gjatë një konflikti ndërmjet tyre, për motive të dobëta.
Shtetasi F. Gj. është dërguar në spital, për mjekim.
Shërbimet e Policisë po kryejnë kontrolle në qytet, për kapjen e autorit të dyshuar.
