Një konflikt mes dy personave ka ndodhur ditën e sotme në Elbasan rreth orës 18:35. Ngjarja ka ndodhur në një lokal në fshatin Labinot Fushë, ndërsa 53-vjeçari E.Ll. ka goditur me sende të forta 57-vjeçarin G.K., për arsye që ende nuk dihen. Ky i fundit është rëzuar dhe është dëmtuar tek një nga tavolinat e lokalit ku ndodhi konfilkti. Tashmë 57-vjeçari ndodhet në spital dhe është nën kujdesin e mjekësve.
Autori është larguar nga vendi i ngjarjes menjëherë pas konfliktit, ndërsa policia po vijon nga puna për kapjen e tij. Ndërkohë, grupi hetimor është duke vijuar punën për zbardhjen dhe dokumentimin e plotë të rrethanave të ngjarjes.
Njoftimi i plotë i Policisë së Shtetit:
Elbasan/ Informacion paraprak
Më datë 02.10.2021, rreth orës 18:35, në fshatin Labinot Fushë, Elbasan, në ambientet e një lokali, pas një konflikti për motive të dobëta shtetasi E.Ll., 53 vjeç, ka goditur me sende të forta shtetasin G.K., rreth 57 vjeç, banues në Elbasan, i cili është rrëzuar dhe është dëmtuar tek një travolinë e lokalit. 57 vjeçari ndodhet në spital nën kujdesin e mjekëve.
Vijon puna për kapjen e autorit, pasi është larguar menjëherë pas konfliktit.
Grupi hetimor ndodhet në vendngjarje dhe po punon për dokumentimin e plotë të rrethanave të ngjarjes.
