Në përditësimin e fundit të Ministrisë së Shëndetësisë në lidhje me situatën e pandemisë në vend njoftoi për nëntë raste të reja në qytetin e Elbasanit.
AbcNews ka mësuar se dy prej të infektuarve janë një mësuese në gjimnazin “Mahir Domi”, si dhe punonjëse e urbanistikës në bashkinë e qytetit.Ndërsa i infektuar ka rezultuar edhe një shofer që bënte transportin e udhëtarëve nga Elbasani në drejtim të plazhit të Spillesë.
Që nga fillimi i pandemisë e deri më tani në qytetin e Elbasanit kanë humbur jetën nga COVID-19 19 persona dhe janë regjistruar 175 raste aktive me virus.
Ministria e Shëndetësisë ka njoftuar ditën e sotme se gjatë 24 orëve të fundit janë regjistruar 151 raste pozitive me Covid-19, nga 824 testime të kryera. Ndërkohë në dy spitalet Covid betejën me këtë virus të rrezikshëm nuk e kanë fituar një 75 vjeçar dhe një 76 vjeçare nga Durrësi, dhe një 91 vjeçar nga Tirana.
