Ditën e sotme është mbledhur Konferenca e Kryetarëve ku po diskutohet për zgjedhjen e presidentit të ri të vendit.
Deputetja e PS, Klotilda Bushka, propozoi që në daten 15 maj te behet dorezimi i kandidaturave. Ndërsa shtoi se më 16 maj duhet të mblidhet Komisioni i Ligjeve për të shqyrtuar këto kandidatura.
Klotilda Bushka: Propozoj që raundi i parë të jetë në datën 16 maj ora 17:00 me disa detyra që duhen kryer paraprakisht.
Njëra nga këto është përcaktimi i datës për dorëzimin e kandidaturave nga të paktën 20 deputetë. Propozoj të jetë data 15 maj ora 16:00 pasdite në protokollin e Kuvendit.
Gjithashtu në 16 maj duhet komisioni i Ligjeve të mblidhet për të shqyrtuar kandidaturat e dorëzuara.
E do duhet po konferenca e kryetarëve të caktojë orën e mbledhjes së komisionit për cështjen ligjore. Propozoj që të mbahet në 16 maj ora 10:00.
Gjithashtu gjatë fjalës së tij në Konferencën e Kryetarëve, Alibeaj i ka bërë thirrje mazhorancës që të bëjë transparencë në këtë proces. Ai tha se PS nuk mund ta zgjedhë e vetme Presidentin e ri, pasi sipas tij, mazhoranca ka vota “non grata” të Tom Doshit dhe Aqif Rakipit.
“Kush ju tha juve që ju ka vendos kushte, askush. Keni parasysh që ju kam bërë të qartë më parë se ky parlament duhet të zgjedhë qytetarin e parë të shqiptarëve, e mira do të ishte ta zgjidhnin vetë shqiptarët, fatkeqësisht nuk e kemi atë mundësi kushtetuese.
Qëndrimi ynë është i tillë, të flasim para shqiptarëve, tu flasim atyre me qëndrimet tona, është i drejtë konstatimi që bëri zonja Acka. Pas 30 e kusur vitesh të paktën kjo shoqëri të thyejë ca tabu 30 vjecarë që komunizmi ka qenë në mentalitet dhe metoda. Madje nuk ka ndërgjegje! Qëndrimet tona janë përballë shqiptarëve, se cfarë bëni ju është puna juaj, ne kemi sfidën me shqiptarët. Kjo është një mbledhje burokratike, kur do të caktojmë datën e raundit të parë. Që ky proces të jetë transparent të jetë i shtrirë në kohë që shqiptarët të marrin vesh virtytet dhe veset e këtij procesi. Kushtetuta e thotë jo më larg se 7 ditë të mbahet raundi i parë.
Ju nuk keni legjitimitetin e shqiptarëve për të zgjedhur presidentin,m keni vota të marra nga non gratat e Tom Doshin , Aqif Rakipit dhe shumë të tjerëve. Në këtë konferncë duhet të nxjerrim konkluzione këto duhet të bëjmë ne dhe të jemi transparent me qytetarët, bëjeni dhe ju këtë”, tha Alibeaj.
