Duke nisur nga sot deri nesër (20 dhe 21 mars) kompanitë agropërpunuese më të mëdha në vend kanë njoftuar se nuk do të furnizojnë tregun me produkte të freskëta bulmeti.
Sipas një deklarate zyrtare të Albanian Food Industry (AFI), kjo masë ekstreme po merret në mungesë të një zgjidhjeje nga Ministrisa e Financave dhe Ekonomisë, teksa nga 1 janari TVSh e rimbursueshme u ul nga 20 në 6%.
Kjo masë u kundërshtua fort nga agroindustria dhe duke filluar nga dita e sotme, që pritet të vijojë edhe nesër grumbulluesit dhe agropërpunuesit e të gjitha rretheve kanë ndërprerë grumbullimin e qumështit.
“Këto akte demostruese vijnë si mbështetje e prodhuesve bujqësorë, kundër uljes së kompensimit të TVSH-së për fermerin, nga 20 – 6 përqind, pasi këto ndryshime ligjore do të shkaktojnë dëmtim të prodhimit vendas duke favorizuar importet, rritur informalitetin, si dhe cenuar sigurinë udhqimore”- thotë AFI.
/Monitor/
