Komiteti Teknik i Ekspertëve ka miratuar dozën e tretë të vaksinës për personat që janë mbi 60 vjeç, jo më herët se 6 muaj nga doza e dytë. Po ashtu është ulur edhe fasha e grupmoshës së vaksinimit dhe më tej fëmijët që janë plus 16 vjeç mund të vaksinohen, duke filluar që nga 1 nëntori. Po ashtu edhe fëmijët mbi 12 vjeç që paraqesin probleme shëndetësore.
Ndër të tjera, Komiteti Teknik ka bërë me dije se masat kufizuese do të mbeten të njëjtat.
“Duke u bazuar në analizën e situatës komiteti i ekspertëve mendon që me gjithë këtë përkeqësim niveli i masave shtrënguese mbetet i njëjtë. Komiteti tërheq vëmendjen në zbatimin me rigorozitet të masave.
Një vendim ka qenë dhe shqyrtimi i vendimeve të komitetit të ekspertëve të vaksinimit.
Në këtë situatë prioritet mbulimi me dozën e parë dhe të dytë të vaksinës.
Qytetarët mbi 60 vjeç të bëjnë dozën e tretë të vaksinës, jo më herët se 6 muaj nga doza e dytë sipas udhëzimeve të ISHP duke nisur nga 1 nëntori. Fëmijët mbi 16 vjeç do të ftohen për t’u vaksinuar me konsentin e prindit dhe rekomandimin e pediatrit duke filluar nga 1 nëntori. Do ftojmë për vaksinimi dhe fëmijët mbi 12 vjeç që paraqesin problematika shëndetësore”, ka thënë zv/ministrja e Shëndetësisë, Mira Rakacolli.
