Sot u zhvillua seanca dëgjimore për Besim Shabanin, zv drejtor për Sigurinë Fizike të PLSH-ve dhe familjeve të tyre në Gardën e Republikës. Shabani është drejtuesi i njësisë që mbron personalitetet e larta shtetërore, jetën e tyre dhe familjareve te tyre.
Në deklarimin e pasurisë Shabani ka shënuar një shtëpi me sipërfaqe 71.3 m2 e blerë edhe me nje shume 20 mijë dollarë, dhuruar nga vëllai i tij që jeton ne Amerike. Komisioni i Jashtëm të Vlerësimit kërkon dokument që Shabani të justifikojë pasurinë prej 20 mijë dollarë të sjella nga vëllai i tij. Apartamenti është blerë 37 milionë lekë, në vitin 2003.
“Nuk arriti Shabani të na provojë ligjërisht ndihmën e të vëllait me 20 mijë dollarë. Por do vlerësohet kjo në fund. Shabani duhet të plotësonte saktësisht çdo të dhënë dhe informacion për pasuri e llogari bankare. Ndërkohë rezulton që nje llogari bakare e mbyllur, para se të plotësonte deklaratën e të dilte në vetting se ka raportuar. Subjekti ka përfituar disa interesa bankare në vlerën e 1563 dollarë. Te cilat si ka treguar. Në 2007 ka hapur një llogari bankare 20 mijë dollarë”, tha Komisioni i Jashtëm i Vetingut.
Kurse Shabani deklaroi se kishte plotësuar gabim formularin..
“Nuk kisha qellim t’i fshihja. Por s’kisha njohuri si plotësohej formulari. Kisha vetëm 30 dite kohe. Isha i zënë me punë. Zyra e financës e Gardës ishte e zënë. C’të bëja. Po e vërtet, por janë leket e vëllait tim. Si mbajta në shtëpi se kisha frikë. Kur erdhi vëllai nga Amerika i tërhoqa ia dhashë”, tha Shabani.
/GazetaReforma.com/
