Komisioneri për Mbrojtjen nga Diskriminimi ka reaguar për ngjarjen e rëndë në Lezhe, ku një 15-vjeçare përdhunohej për gati 5 muajsh. Në një reagim zyrtar Robert Gajda e quan ngjarjen një kat çnjerëzor dhe ka nxitur policinë dhe Prokurorinë e Lezhës të zhvillojnë një hetim rigoroz.Gajda ka bërë thirrje që të miturës t’i ofrohet përkujdesje psikologjike dhe mbrojtje për të e familjen e saj.
Reagimi i plotë:
Komisioneri për Mbrojtjen nga Diskriminimi u njoh përmes mediave të ngjarjes së rëndë në Mirditë, të shfrytëzimit seksual në grup të një të miture. Komisioneri Dr. Gajda dënon me ashpërsi aktin çnjerëzor të dhunimit seksual të të miturës dhe nxit policinë e Shtetit dhe Prokurorinë e Lezhës të zhvillojnë një hetim rigoroz, duke nxjerrë përgjegjësitë penale dhe vënien para drejtësisë së autorëve. Në këtë kontekst, është e rëndësishme ofrimi i një përkujdesje psikologjike të specializuar të miturës nga ana e strukturave shtetërore, por edhe mbrojtje per te mituren dhe familjen e saj. Komisioneri për Mbrojtjen nga Diskriminimi vlerëson se duhet të bëhet më shumë në parandalimin e dhunës seksuale ndaj të miturve.
Ngjarja e rëndë ka ndodhur në qytetin e Lezhës, ku një grup prej pesë personash kanë dhunuar seksualisht në bashkëpunim me njëri-tjetrin një vajzë të mitur. Dyshohet se ata e kanë detyruar të miturën me anë të shantazheve që të kryejë marrdhënie seksuale me ta
