Ndeshjet zyrtare të Kombëtares po afrohen por gjërat nuk duken aspak mirë për trjanerin Edi Reja.
Kjo pasi shumë lojtarë për shkak të dëmtimeve, masave kufizuese të Covid-19 nuk do të mund të laujnë më 11 nëntor në ndeshjen miqësore ndaj Kosovës, apo dy ndeshjet për kualifikueset e Ligës së Kombeve, më 15 dhe 18 nëntor.
Për shkak të infektimit me koronavirus, futbollistit Florian Kamberi i duhet të presë akoma për të luajtur me fanellën e Kombëtares. Kjo pasi në testin e fundit të kryer për Covid-19, me ekipin e tij St Gallen në Zvicër ai ka rezultuar pozitiv.
Menjëherë sapo ka marrë përgjigjen pozitive ai është vetëkarantinuar në banesën e tij dhe ndodhet në gjendje të mirë shëndetësore.Mesa duket Kamberin po e ndjek fati i keq dhe po ia bën të pamundur të luajë me Kombëtaren, duke parë se është hera e disatë që sulmuesi nuk arrin të debutojë dot me Shqipërinë.
Florian #Kamberi ist positiv auf das #Coronavirus getestet worden. | 👉 https://t.co/2tWGFwnjoB #FCSG pic.twitter.com/0giw4Zzm5q
— FC St.Gallen 1879 GRÜEWISS IM HERZ (@FCSG_1879) November 3, 2020
