Në Andorra po luhet ndeshja e parë e Kombëtares tonë në eliminatoret e Botërorit të vitit të ardhshëm në Katar 2022. Që në pjesën e parë djemtë e Edi Rejës kaluan në avantazh me një gol të Emir Lenjanit në minutën e 42të. Të besuarit e Edi Reja dominuan me kontrollin e lojës, ndrësa rastet për shënim ishin të pakta.
Kuqezinjtë janë favoritë në këtë betejë, por Andorra është një skuadër, që kërkon kujdes maksimal sepse në të shkuarën na ka krijuar probleme, duke na marrë pikë të rëndësishme. Në vitin 2019 na barazuan me shifrat 2-2 në “Elbasan Arena”. Ndërkohë në ndeshjen e sotme nuk kanë reaguar fort pasi kanë marrë disa kartona të verdhë dhe ende nuk kanë krijuar raste të mira.
Në portë luan Etrit Berisha, pasi Thomas Strakosha prej kohësh po vuan te Lazio dëmtimet dhe mos aktivizimin. Në mbrojtje do të jenë futbollistët e seria A, treshja e qendrës me Ardian Ismajli, Berat Gjimshiti dhe Marash Kumbulla. Elseid Hysaj mban krahun e djathtë, kurse në të majtë Ermir Lenjani. Sokol Cikalleshit luan në sulm krah Rey Manajt. Sa i takon mesfushës, Ledian Memushaj preferohet sërish nga Reja. Vlonjati shton fantazinë, që është e nevojshme ndaj një ekipi si Andorra, kurse kilometrat pritet të garantohen nga Klaus Gjasula dhe Keidi Bare.
