Vijon me debate mbledhja e sotme në Komisionin e Shëndetësisë. Deputetja demokrate, Ilda Dhori i është bashkuar raportimeve të ministres Koçiu për zjarrin në QSUT, ku tha se situata është dramatike që urgjenca është ende jashtë shërbimit prej dy muajsh. Sipas saj, nuk është marrë asnjë hap konkret për zgjidhjen e këtij problemi.
“Është pak e vonuar si dëgjesë. Sa i përket zjarrit është dramatike të mendosh se si urgjenca më e madhe në vend është prej 2 muajsh jashtë funksioni dhe nuk është marrë asnjë hap konkret në zgjidhjen e këtij problemi”, tha Dhori.
Situata kaotike me urgjencat vijon që prej datës 11 shkurt kur në katin -1 në Urgjencën e re të QSUT-së ra zjarr, për shkaqe që po hetohen nga prokuroria e Tiranës.
