Kryetari i partisë “Zgjidhja”, Koço Kokëdhima ka qenë i ftuar mbrëmjen e djeshme në emisionin “Të paekspozuarit”. Ai ka bërë një deklaratë të fortë dhe plot akuza për kryeministrin Edi Rama.
Kujtojmë këtu se Kokëdhima dikur ka qenë shumë i afërt me kryeministrin Edi Rama, por aktualisht është një nga kundërshtarët e tij politikë.
Kokëdhima është shprehur se Rama është një i vdekur që ecën. Për Kokëdhimën, Rama ka marrë fund dhe nuk ka një të ardhme politike, ndaj e ka cilësuar edhe si një kartë e djegur.
Sipas tij, Ramën tani e këshillojnë servilët, lajkatarët, ata që i bëjnë qejfin. Ai është shprehur ndër të tjera duke kërkuar ndjesë publike që e ka mbështetur dikur, por tani ai ishte një dështim piolitik.
Kokëdhima u shpreh:
Edi Ramën e këshillojnë servilët, lajkatarët. Nuk ka njerëz me integritet, por ata që i bëjnë qejfin. Ai është një i vdekur që ecën, një kartë e djegur, një person i diskretituar.
Ai politikisht ka marrë fund, nuk ka të ardhme politike për këtë njeri. Ne jemi në një vend jo demokratik, por politika ka ligjësi.
E kam bërë një autokritikë, kam kërkuar ndjesë publike, që kam mbështetur një njeri që rezultoi një dështim për popullin.
Edi Rama është një manjak për pushtet dhe pasuri. Nuk kam pikë dyshimi për këtë gjë. Kam shumë informacion se cfarë ndodh në këtë vend. Edi Rama ëshë manjak për pushtet dhe para.
Ai sot vërtet i ka akumuluar të gjithë pushtete, por është i vdekur, është moralisht dhe politikisht i mbaruar”.
