Dy shqiptarë janë arrestuar nga policia italiane.
Ata janë kapur me një sasi të konsiderueshme kokaine.
Bëhet fjalë për 30-vjeçarin me iniciale S.Z., dhe 18-vjeçarin E.M.
Kanë qenë fqinjët ata që kanë denoncuar në polici se në zonën e Rovatos po lëviznin persona të dyshimtë që mund të shisnin drogë.
Kështu, policia “zbarkoi” në banesën e tyre.
Fillimisht, u gjendën 2.5 kilogramë kokainë në papafingo.
Më pas, në këtë banesë është gjetur edhe një sasi tjetër prej 700 gramësh kokainë si dhe 3700 euro.
Kjo sasi parash dyshohet të ketë ardhur nga shitja e drogës.
Dy të rinjtë janë lënë në paraburgim, derisa të dalin para gjykatës.
Ata akuzohen për “Shitje të lëndëve narkotike”.
