Para pak ditësh, në Vaqarr u zhvillua një operacion, teksa u sekuestruan rreth 119 kg kokainë. Ndërkohë pas kapjes së autorëve që fshiheshin pas ngjarjes, Gjykata e Tiranës ka lënë në burg 2 shoferët e kamionëve ku u kapën 119 kokainë, përkatësisht shtetasit me iniciale G.K dhe H.S.
Sot ka dalë edhe fotoja e skanerit të kontejnerit me banane ku u gjetën 119 kg kokainë të nisura nga Amerika Latine drejt magazinave të kompanisë në zonën e Vaqarit. Droga e kapur e llojit kokainë, dyshohet se ka hyre ditë me parë dhe kjo nëpërmjet Portit të Durrësit nga kontenierë që po transportonin banane nga vendet e Amerikës latine, nga një kompani e njohur.
Pas konstatimit të drogës, autoritetet kanë mbajtur nën mbikëqyrje ngarkesën që nga Porti i Durrësit për në zonën e Vaqarrit, pasi ka pasur i formacione dhe indicie rreth saj. Në afërsi të fshatit Romanat në rrugën nacionale Durrës-Tiranë kamioni është ndaluar nga 3 persona ende të paidentifikuar, të cilët për disa minuta kanë ushtruar kontroll në kamion dhe në kontejner dhe më pas janë larguar me shpejtësi.
Droga u gjet pikërisht në kontejnerin me banane të nisur nga Amerika Latine dhe që kishte kaluar transit në portin e ‘Goia Tauro’ në Itali. Autoritetet doganore në vendin fqinj kanë konstatuar se kontejnerit i mungonte plumbçja apo vula.
