SPAK ka kërkuar dënimin me 17 vite burg për Islam Sefën, i akuzuar për trafikim të lëndëve narkotike drejt Gjermanisë.
Në rast të pranimit të gjykimit të shkurtuar, ai përfiton ulje të dënimit dhe do të vuajë 11 vjet e 4 muaj heqje lirie.
Sipas prokurorit Adnan Xholi, Sefa është konsideruar si organizatori dhe financuesi kryesor i trafikut, që përfshinte një sasi prej 912 kilogramësh marijuanë, me vlerë të përllogaritur mbi 3.3 milionë euro.
Hetimet kanë evidentuar nëntë raste të ndryshme trafikimi dhe, sipas SPAK, veprimtaria kriminale është zhvilluar në bashkëpunim me persona brenda dhe jashtë vendit.
Islam Sefa u arrestua më 2 korrik 2024, në një lokal pranë godinës së SPAK, ndërsa ndodhej nën hetim prej disa muajsh.
