Ylli i Milanit, Zlatan Ibrahimoviç po kalon një periudhë të artë me fanellën kuqezi të italianëve të cilë javën e kaluar fituan derbin ndaj Interit.
Por jo vetëm kaq pasi dhe në ndeshjen e djeshme përballë Udinezëve goli spektakolar i Ibrës ishte vendimtar për fitoren e Milanit dhe kjo kohë me këtë ekip duket se është më e arta për 39-vjeçarin suedez. Pasi fitoret e Milanit me të në krye të ekipit janë të shumta dhe nuk dinë të ndalen.Vlen të përmendet se lojtari në këto 6 javë kampionat sulmuesi ka shënuar 7 gola.
Por ditën e sotme, suedezi Ibrahimoviç i ka habitur të gjithë me postimin e tij në Instragram. 39-vjeçari ka publikuar një foto me fanellën e Suedisë dhe ka shkruar “Kohë e gjatë pa u parë”, duke hapur kështu një derë për një rikthim të mundshëm të tij në kombëtare.
Kujtojmë që lojtari është tërhequr nga Kombëtarja ku ndeshja e fundit daton më 22 qershor kundër Belgjikës, ndeshje e vlefshme për Evropianin 2016.
