Ndërkohë që studentët po vazhdojnë protestën për plotësimin e kërkesave të tyre nga qeveria, Rama reagon në rrjetin e tij social Instagram, ku poston një foto të një parulle dhe shkruan, “GJITHÇKA NA DUHET, ËSHTË TE FLASIM” .
Nga ana tjetër, në Twitter shkruan dhe thotë se të rinjtë e PD maskohen si studentë sepse ndryshe i përzënë nga protesta. Nuk lë pa përmendur jelekët e verdhë të Fierit dhe bashkinë e Kukësit që sipas tij shfaqet si grup biznesmenësh.
“Eh Artist si e katandise opozitën! Të rinjtë e PD maskohen si studentë se ndryshe i përzënë; dega e Fierit zë rrugën me jelekë të verdhë sikur i merr porositë nga Parisi;bashkia e Kukësit shfaqet si grup biznesmenësh të vegjël që duan dyqan pa kasë; ndërsa ti vetë të Astir Boja.”
Ndërkohë studentët kanë marshuar drejt Zogut të Zi për të bllokuar rrugët duke mos lejuar qarkullimin e makinave. Studentët shprehen se kjo gjë është vetëm nisja e përshkallzimit të protestës së tyre dhe nuk do dorëzohen. Janë të bindur që mos ta ndalojnë protestën dhe janë shumë të revoltuar sepse sipas tyre nuk po merren seriozisht dhe qëllimi tyre është që t’i tregojnë qeverisë se protesta e tyre nuk është lojë por një kauzë shumë serioze.
