Koço Kokëdhima ka shpallur zyrtarisht kandidaturën për kryetar të Bashkisë së Tiranës.
Kokëdhima kreu i partisë Zgjidhja, deklaroi sot në emisionin “Të Paekspozuarit”, se sfidon Erjon Veliajn për kryetarin e Bashkisë së Tiranës.
Ai ka theksuar se është e rëndësishme për të pasur një bashki të hapur për qytetarët, pushtet të qytetarëve, njerëzor dhe efektiv
“Kam vendosur që t’i kërkoj mbështetje Kongresit të partisë ZGJIDHJE që t’i shpall garë Erion Veliajt për drejtimin e Bashkisë së Tiranës. Është shumë e rëndësishme, për ta bërë bashkinë të hapur për qytetarët, pushtet të qytetarëve, pushtet njerëzor dhe efektiv. Së dyti mendoj se është shume e rëndësishme që të ndërpresim vazhdimësinë e Erion Velisë, sepse Veliaj është një person shumë tipik përfaqësues sektit të Rilindjes, ka të njëjtën filozofi të njëjtë si Rilindja,”- tha Kokëdhima.
