Në seancën gjyqësore të rastit “Kobra”, ku të akuzuarit Dibran Hoxhaj, Roland Susuri, Arben Vezaj, Burim Mazreku dhe Jesmir Badalli akuzohen për vrasjen e Visar Cengut më 3 janar 2023, u dëgjuan dy dëshmitarë, babai i viktimës, Behar Cengu, dhe Vllaznim Mustafa.
Mungoi dëshmitarja, Alketa Sadiku.
Behar Cengu, babai i viktimës, kërkoi drejtësi për vrasjen e djalit të tij. Ai theksoi se asnjë nga të akuzuarit, përfshirë Dibran Hoxhaj, nuk i kishte qenë i njohur dhe se nuk kishte pasur asnjë konflikt me ta.
Gjatë dëshmisë, Cengu shpjegoi se lajmin për vrasjen e djalit të tij e kishte marrë nga kolegu i tij i punës.
“Ai e kishe marr vesh ngjarjen nuk dishim gjë në familje, nuk isha i njoftuar. Më tha a ka Behar tjetër në Kukës ai shoku i punës, jo i thash vetëm unë. Më tha mundesh me ik deri tek spitali…Shkova e gjeta djalin aty. Prokurorja: A e dini a e ka njohur ndonjë person prej të pandehurve djali: Shpesh ato kur vishin prej emigrimit vinin në Kosovë, nuk e di…Vetëm di një gjë që djali nuk ka pas gjë me vete fare si ka ngrënë bukë ka dal nga shtëpia, ndoshta edhe lekë nuk ka pas me vete në kohën kur ka dal nga shtëpia… Bashkërisht me gjithë familjen time me gjithë vëllezër gjithë çka kam drejtësi dua karshi djalit, nuk dua me thënë nuk kam qenë në ngjarje vetë”, theksoi ai.
Gjatë seancës gjyqësore, avokati mbrojtës i të akuzuarit Dibran Hoxhaj, i njohur si “Kobra”, i bëri pyetje babait të viktimës, Behar Cungu.
Avokati, Latifi, kërkoi të dinte kënd kishte takuar dëshmitari kur kishte shkuar në spital. Cungu përgjigjej se kishte takuar djalin e tij dhe persona të tjerë, ndërsa i plagosuri tjetër, që ishte me djalin e tij, kishte shkuar në Tiranë për trajtim.
Në lidhje me marrëdhëniet e tij me të akuzuarit, Behar Cungu tha se asnjëherë nuk kishte pasur probleme me askënd në Kosovë, përfshirë familjen e Dibran Hoxhaj.
I pyetur nga avokati nëse kishte takuar shokët e djalit të tij, Rifgen Shehun dhe Arben Bashkën, Cungu theksoi se asnjëherë nuk ishte takuar me ta, pasi ata ndodheshin jashtë vendit.
“Avokati Latifi: Pas ngjarjes a jeni takuar ndonjë me Rufgenin dhe Arbenin….Cungu: Po kanë marr pjesë në varrim….Latifi: A keni biseduar ndonjë me ta deri më tani ose familja juaj me Arbenin ose Rufgenin me i pyt çka ndodhi… Cungu: Jo jo fare hiq.. Latifi: Deri më sot që po flasim tash më datën 3 janar 2023 kur ka ndodh ngjarja, a keni pas rast me Rufgenin dhe Arbenin se çka ndodhi me djalin tem.. Cungu: Janë jashtë, janë në Angli, nuk rrinë këtu… Latifi: Familja juaj flas për ty personalisht, për vëllezërit tuaj për familjen më të gjerë kushterit a keni problem me familjen e Dibran Hoxhës apo dikë në Kosovë… Cungu: Kurrë në jetë jo me këtë po me asnjë”, tha ai.
Seanca gjyqësore vazhdoi me pyetjen e gjyqtarit, Vesel Ismali, i cili kërkoi të dinte nga Behar Cengu, babai i viktimës, se çfarë njohurish kishte për ngjarjen që i ndodhi djalit të tij. Cengu u përgjigj se nuk dinte asgjë për ngjarjen, pasi nuk kishte qenë në vendin e saj. Ai tha se kishte lënë drejtësinë të bënte punën e vet dhe shtoi: “Nuk di asgjë, nuk kam qenë në vendin e ngjarjes.”
Gjithashtu, në Gjykatën Themelore të Prishtinës, dëshminë e tij dha edhe Vllaznim Mustafa, i cili ishte në lokal “Kobra City” në natën kur u vra Visar Cengu. Mustafa deklaroi se në fund të mbrëmjes, tre persona nga Shqipëria kishin dalë jashtë dhe kishin biseduar qetësisht me menaxherin e lokalit. Kur ata u kthyen brenda, kishin përplasur derën dhe kishin rrëzuar një tavolinë, duke tentuar të hynin në zyrën e lokalit.
Pas këtij momenti, Mustafa tha se nuk i kujtohet asgjë tjetër, pasi për t’u vetëmbrojtur kishte shkuar në tualet dhe nuk kishte dalë deri në mbërritjen e policisë.
“Unë kam qenë duke kënduar aty, patën dal jashtë biseduan nëse nuk gaboj.,.. Prokurorja: A ke vërejtur ndonjë grup të njerëzve nga Shqipëria… Dëshmitari: E di që kanë qenë tre persona nga Shqipëria….Prokurorja: Kur kanë ardhur….dëshmitari: Nuk i kam parë unë kur kanë ardhur….Prokurorja: Kush ka qenë i ulur me ta a kanë qenë vetëm ata tre apo edhe dikush tjetër…Dëshmitari: Nuk e di…Momentin kur kanë hyrë brenda ata i kanë përplasur derën kanë hyrë me egërsirë. Nëse nuk gaboj këta të Shqipërisë kanë hyrë duke e shtyrë derën edhe kanë rrëzuar një tavolinë aty, marrin turr me hy në zyre përplasin derën. Aty kur e kam parë rastin kam vazhduar kam hy në tualet vetëmbrojtje kam bërë….Derisa kanë ardhur Policia në atë moment kam dal jashtë…Prokurorja: E ke dëgjuar diçka ndonjë zhurmë….Dëshmitari: Jo nuk kam dëgjuar”, u shpreh dëshmitari Mustafa.
Dëshmitari, Vllaznim Mustafa u pyet nga avokati mbrojtës i Dibran Hoxhaj, Florent Latifaj se klientin e tij në natën kritike a e ka parë në sallën e lokalit.
Dëshmitari deklaroi se atë natë Dibran Hoxhaj i njohur si “Kobra” e ka takuar në fillim dhe në fund kur e ka marr pagesën.
Sipas tij gjendja e “Kobrës” ka qenë e qetë.
“Atë natë kur ka ndodhur ngjarja Dibranin a e ke parë aty… Dëshmitari: Në atë moment jo vetëm kur kam shkuar në fillim të punës po bile atëherë i pata thënë në fillim të punës i pata thënë a mund ta gjej dikënd tjetër se unë atë natë pata me përfundua se unë kam qenë vetëm zëvendësim….59’27Avokati Latifi: A të kujtohet gjendja e Dibranit kur ua ka ndarë bakshishet, rrogat …Dëshmitari: Qetë ka qenë. Nuk kemi pas fjalë apo diçka qetë ka qenë”, theksoi ai.
