Këshilli i Lartë i Prokurorisë ka pezulluar nga detyra dy prokurorët Edmond Karriqi dhe Maksim Sota, pasi Gjykata e Posaçme kishte dhënë për ta masën e sigurisë.
Prokurori i Kukësit, Edmond Karriqi ndodhet në masën e sigurisë arrest me burg, ndërsa Sota ndodhet në arrest shtëpie. Ky i fundit u arrestua pas operacionit ndërkombëtar “Shpirti”, që u shtri në disa shtete.
Prokuroria kishte prova, dëshmi dhe përgjime të grupeve kriminale, të cilat kompromentojnë dhe implimentojnë në veprimtari kriminale prokurorin Maksim Sota.
Sipas dëshmisë së të penduarit të drejtësisë, prokurori Sota kishte marrë shtëpi me qira ku qëndronte me gruan dhe fëmijët jashtë vendit, nga kreu i grupit kriminal, Ilirjan Ducellari ku Drolli bënte pjesë.
Prokurorët u pezulluan nga detyra me 10 vota pro, në mungesë edhe të anëtares Esmeralda Keshi. Pezullimi zgjat deri në rënien e shkakut për të cilin është vendosur
“Me 10 vota pro në mungesë të anëtares Esmeralda Keshi, KLP pezullon nga detyra prokurorët Edmond Karriqi dhe Maksim Sota për shkak të masës së sigurisë personale “arrest me burg”, respektivisht “arrest në shtëpi”, vendosur nga Gjykata e Posaçme Kundër Korrupsionit dhe Krimit të Organizuar.
Pezullimi zgjat deri në rënien e shkakut për të cilin është vendosur, sikundër kundër këtij vendimi mund të bëhet ankim në Gjykatën Administrative të Apelit”, thuhet në njoftimin e KLP
