Gjatë një takimi me emigrantët shqiptarë në Athinë, Sekretari i Përgjithshëm i Partisë Socialiste, Blendi Klosi, theksoi rëndësinë e komunitetit shqiptar në Greqi si një reflektim i besueshëm i popullit shqiptar. Klosi shprehu bindjen se shqiptarët në Greqi janë dëshmia më e mirë e karakterit të vërtetë shqiptar, duke iu referuar sfidave të mëparshme të perceptimit të tyre. “Shqiptarët e Greqisë janë pasqyra më besnik e asaj që është populli shqiptar,” tha Klosi.
Ai gjithashtu përmendi se si këta emigrantë kanë ndryshuar perceptimin grek për shqiptarët, duke sfiduar stereotipet e vjetra që ishin përforcuar nga politika dhe mediat në dekadën e 90-të. “Ju i treguat popullit grek se sa të ndryshëm ishit me të cilën iu nxiu balta politike dhe mediatike në vitet ’90. Ju jeni sot shembulli i integrimit,” shtoi ai.
Klosi u shpreh se asnjë individ nga komuniteti shqiptar në Greqi nuk duhet të përjetohet si i inferiort, duke theksuar se çdo qasje e tillë bazohet vetëm në ideologji nacionaliste. “Askush nga ju nuk mund të shikohet nga lart poshtë dhe kushdo që e bën, e bën vetëm për arsye nacionaliste. Shqipëria është njësoj si ju! Shqipëria sot flet me zërin e sovranitetit të saj dhe dorën e shtrirë të miqësisë ndaj popullit vëlla grek,” përfundoi ai, duke theksuar unitetin dhe respektin mes dy popujve fqinj.
