Një 53-vjeçar ka rënë në prangat e policisë së Velipojës, pasi kishte nisur një ndërtim pa leje në Plazhin Pulaj, në Velipojë. Gjatë kontrolleve për lirimin e hapësirave publike përgjatë vijës bregdetare, policia konstatoi se 53-vjeçari Sh.H., banues në lagjen „Salo Halili“ në Shkodër, po ndërtonte pa lejen përkatëse. një beach bar me konstrukt druri. Më pas shërbimet e policisë bënë të mundur edhe arrestimin e tij.
Ndaj tij rëndojnë akuzat për veprat penale Ndërtim i paligjshëm” dhe “Pushtim toke”.
Materialet i janë referuar Prokurorisë së Rrethit Gjyqësor Shkodër, për veprime të mëtejshme hetimore.
Njoftimi i plotë policisë:
Shkodër
Vijojnë kontrollet për lirimin e hapësirave publike përgjatë vijës bregdetare në Velipojë.
Po ndërtonte pa leje një beach bar, vihet në pranga pronari i objektit.
Nga shërbimet e Stacionit të Policisë Velipojë, në vijim të kontrolleve për lirimin e hapësirave publike në bregdet, u arrestua në flagrancë shtetasi:
SH.H. 55 vjeç banues në lagjen “Salo Halili”, Shkodër, për veprat penale “Ndërtim i paligjshëm” dhe “Pushtim toke”.
Arrestimi i tij u bë pasi është konstatuar në Pulaj Plazh, Velipojë, Shkodër, duke ndërtuar pa lejen përkatëse, një beach bar me konstrukt druri.
Materialet iu referuan Prokurorisë së Rrethit Gjyqësor Shkodër, për veprime të mëtejshme.
