Policia e Vaut të Dejës, ka goditur një tjetër rast të tentativës së kultivimit të bimëve narkotike, duke vënë në pranga një 40-vjeçar.Në prangate policisë ka rënë shtetasi me inicialet A.A., 40 vjeç, banues në fshatin Kosmaç, Vau i Dejës.
40-vjeçari ra në prangat e policisë pasi gjatë kontrollit rutinë, në fshatin Kosmaç në serën në pronësi të tij, policia gjeti të kultivuar bimë të dyshuara narkotike, cannabissativa. Materialet i kanë kaluar për shqyrtim Prokurorisë së Rrethit Gjyqësor Shkodër, për veprën penale “Kultivim i bimëve narkotike”.
Njoftimi nga Policia
Nga strukturat e Komisariatit të Policisë Vau i Dejës, në zbatim të planit të masave për goditjen e veprimtarisë kriminale në fushën e narkotikëve, si rezultat i kontrolleve të shtuara dhe informacioneve të marra në rrugë operative për një shtetas që dyshohej se kishte kultivuar bimë narkotike, është organizuar puna për kapjen e tij. Si rezultat është arrestuar në flagrancë shtetasi A. A., 40 vjeç, banues në fshatin Kosmaç, Vau i Dejës.
Arrestimi i tij u bë pasi gjatë kontrollit të territorit në fshatin Kosmaç, Njësia Administrative Bushat, Vau i Dejës, në serën në pronësi të tij, Policia gjeti të kultivuara bimë të dyshuara narkotike cannabis sativa, të cilat u sekuestruan në cilësinë e provës materiale.”, njofton policia.
Materialet iu referuan Prokurorisë së Rrethit Gjyqësor Shkodër, për veprën penale “Kultivimi i bimëve narkotike”.
