Gazetarja Klodiana Lala ka bërë të ditura detaje të tjera për rrëzimin e avionit sportive ditën e djeshme në Kelmend. Në “Neës 24”, Lala ka thënë se kur lajmi u bë fillimisht i ditur, kishte dyshime të forta se në këtë formë ishte bërë trafik droge. Ajo ka bërë me dije se në bord kanë qenë tre persona, 2 malazez dhe një shqiptar, ndërsa policia nuk e ka si pistë një aksident të mundshëm për momentin.
Lala tha se rasti mund të ketë lidhje me trafikun e drogës ose lëvizjen e personave shumë të kërkuar criminal. Gazetarja ka bërë me dije se nuk dihet ende ku janë personat që kanë qenë në bord, ndërsa shtoi se një bari i zonës ka dhënë detaje për karakteristikat e personave që ishin të pranishëm.
“Kur erdhi në redaksi ky lajm, kishte dyshime të forta që në këtë formë është bërë trafik droge. Megjithatë policia e mohon një gjë të tillë. Deri më tani, refuzoj të them që është kategorike kjo gjë sepse do të duken të dhëna të tjerë. Në burime zyrtare, lihet të nënkuptohet që po verifikohet një trafik i mundshëm droge. Tre persona kanë qenë në bord, 2 malazez dhe një shtetas shqiptar. Policia duhet të hetojë se si një automjet erdhi aty dhe i ndihmoi. Për momentin pista e një aksidenti të mundshëm nuk ka fokusin e Policisë së Shtetit. Duhen parë dy medalje, nga njëra anë një trafik droge dhe e dyta lëvizja e personave shumë të kërkuar kriminal. Policia po përdor disa forma për të parë se cili është ky grup kriminal. Po pse është zgjedhur kjo zonë? Ne e dimë që në Malësinë e Madhe ka pasur gjithmonë probleme. Mendoj që faktet në mënyrë indirekte të çojnë drejt kësaj piste. Personat që kanë qenë në bord ende nuk dihet se ku janë. Një bari i zonës ka dhënë detaje në lidhje me karakteristikat e personave të pranishëm”, ka thënë Lala.
