Në Berat tre persona kanë rënë në pranga e policisë, nën akuzat se kanë rrëmbyer dhe dhunuar dy shtetas të tjerë.
Janë arrestuar shtetasit Hamit Kanani, Arben Bilçari dhe Edmond Hoxha, të tre banues në lagjen “Uznovë”, Berat.
“Balkan Web” raporton se personat e marrë peng iu kishin borxh autorëve një shumë lekësh. Autorët Hamit Kanani, Arben Bilçari dhe Edmond Hoxha i kanë mbajtur peng për disa orë shtetasit L.B., 39 vjeç dhe B.H., 40 vjeç, të dy banues në lagjen “30 vjetori”, Berat.
Ata i kanë marrë në një makinë dhe i kanë mbajtur peng në periferi të qytetit të Beratit, mbrëmjen e kaluar, ku edhe i kanë dhunuar.
Policia njfton se arrestimi i tyre u bë pasi në lagjen “Uznovë”, në bashkëpunim me njëri-tjetrin dhe për motive të dobëta, i kanë hequr lirinë dhe i kanë dhunuar fizikisht shtetasit L.B., 39 vjeç dhe B.H., 40 vjeç, të dy banues në lagjen “30 vjetori”, Berat.
Njoftimi i policisë:
Nga specialistët e Seksionit për Krimet u bë arrestimi në flagrancë i shtetasve H.K, 27 vjeç, A.B., 57 vjeç, dhe E.H.,53 vjeç, të tre banues në lagjen “Uznovë”, Berat.
Arrestimi i tyre u bë pasi në lagjen “Uznovë”, në bashkëpunim me njëri-tjetrin dhe për motive të dobëta, i kanë hequr lirinë dhe i kanë dhunuar fizikisht shtetasit L.B., 39 vjeç dhe B.H., 40 vjeç, të dy banues në lagjen “30 vjetori”, Berat.
Materialet i kaluan Prokurorisë së Rrethit Gjyqësor Berat për veprime të mëtejshme.
