Spanjë- Një grup kriminal i përbërë nga shqiptarë është shpërbërë pas një operacioni dy vjeçar.
Në krye të grupit ka qenë një shqiptar 26 vjeç.
Dyshohet se së bashku me grupin e tij kriminal ai ka kryer së paku 75 raste vjeshjesh.
Pas grabitjeve është larguar për në Gjermani.
Kështu, drejtësia spanjolle i ka kërkuar shtetit gjerman ta ekstradojnë atë.
2 vite në ndjekje
Policia spanjolle kishte 2 vjet në ndjekje të rastit, pasi kishin marrë informacion se grupi kryente vjedhje në provinca të Spanjës.
Në një operacion të kryer në vitin 2018, dy anëtarë të bandës së grabitjeve arritën të shpëtojnë.
Bëhet fjalë për dy të rinj të moshave 26 dhe 29 vjeç.
Pas shumë përpjekjeve, autoritetet spanjolle arritën të zbulojnë se dy shqiptarët kishin ikur nga Spanja.
Shqiptar 29-vjeçar u arrestua në Hungari dhe u vu në dispozicion të autoriteteve më 6 shtator.
Ndërsa i pandehuri tjetër, 26 vjeç, ka qenë i vendosur në Gjermani, ku u arrestua në 29 nëntor.
Nga gjykatat spanjolle thuhet se me arrestimin e dy të arratisurve, gjithë grupi është në dispozicion të autoriteteve gjyqësore.
