Ndërkohë që shumë vende nuk kanë marrë ende vaksinat e para të koronaviursit që kanë dalë në qarkullim, Kina duket se ka plane të tjera. Shteti aziatik ka aprovuar provat klinike për 16 vaksina indigjene COVID-19, nga të cilat gjashtë janë në fazën e tretë, sipas një raporti mediatik të drejtuar nga shteti. Vaksinat më të fundit për provat klinike bazohen në proteina rekombinante, vektor adenovirus, acid nukleik dhe teknologji të viruseve të gripit të zbutur, njoftoi të shtunën agjencia shtetërore e lajmeve Xinhua, duke cituar të dhëna nga Administrata Kombëtare e Produkteve Mjekësore.
Gjashtë nga vaksinat janë në fazën e tretë të provave, e cila është një nga fazat e fundit,thuhej në njoftim. Kina tashmë ka dhënë miratimin me kusht për dy vaksina të hedhura në përdorim COVID-19 të bëra nga zhvilluesit në pronësi të shtetit – Sinopharm dhe Sinovac Biotech.
Koronavirusi ka marrë jetë 4,833, së bashku me 100,727 raste të konfirmuara në Kinë, sipas Universitetit Johns Hopkins. Që nga 9 shkurt, Kina u ka shpërndarë 40.52 milion vaksina anti- COVID-19 te grupeve kryesore që janë me prioritet për t’u vaksinuar, njoftoi Xinhua, duke cituar një zyrtar të Komisionit Kombëtar të Shëndetësisë.
Ndërkohë, pas nuk mbetet as Rusia që është drejt miratimit të vaksinës së tretë anti-COVID.
