Ambasadorja amerikane Yuri Kim ka takuar ministren në detyrë të Drejtësisë, Etilda Gjonajn. Kim shkruan në Twitter se Gjonaj përfundoi një mandate të jashtëzakonshëm si si personi me jetëgjatësinë më të madhe në gruaja e parë në këtë pozicion kyç. Më tej ambasadorja amerikane veçon udhëheqjen e Gjonajt mbi reformën në drejtësi, e cila më kontributin e saj ka filluar të japë rezultate.
Kim konfirmoi edhe një herë se Shtetet e Bashkuara të Amerikës do të vazhdojnë të mbështesin fuqishëm zbatimin e reformës në drejtësi.
“Takova sot Etilda Gjonajn për ta falënderuar ndërsa përfundon mandatin e saj të jashtëzakonshëm si Ministre e Drejtësisë, personi me jetëgjatësinë më të madhe ne kete pozicion dhe gruaja e parë në këtë pozicion kyç. Ne vërejmë veçanërisht udhëheqjen e saj mbi reformën në drejtësi, e cila, me kontributin e saj, ka filluar të japë rezultate. Shtetet e Bashkuara do të vazhdojnë të mbështesin fuqishëm zbatimin e reformës në drejtësi në Shqipëri. Shpresojmë që të gjithë udhëheqësit dhe institucionet e drejtësisë do të vazhdojnë të ecin përpara për të dhënë më shumë rezultate që i shërbejnë popullit të Shqipërisë, plotësojnë standardet e Bashkimit Evropian dhe sjellin Shqipërinë më afër Shteteve të Bashkuara,” shkruan ambasaodrja Kim.
