Shqipëria u zgjodh ditën e sotme anëtare e përkohshme e Këshillit të Sigurimit të Kombeve të Bashkuara me 175 vota nga 190 shtete që ishin pjesëmarrëse.
Pas këtij lajmi kanë reaguar edhe ambasadorja amerikane Yuri Kim dhe ambaadori i BE në Shqipëri, Luigi Soreca.
Në një postim në Tëitter, Kim shkruan se sot është bërë histori dhe thotë se Shtetet e Bashkuara pret që të punojë me Shqipërinë edhe më afër në rajon dhe në botë.
“Historia është bërë: Urime Shqipërisë për zgjedhjen për herë të parë në Këshillin e Sigurimit të KB. Shtetet e Bashkuara pret që të punojë me Shqipërinë edhe më afër në rajon dhe në botë. Urime!”, shkruan Kim.
Ndërkohë, ambasadori Luigi Soreca shkruan se sot është një ditë historike për Shqipërinë dhe popullin shqiptar dhe pret që të punohet së bashku në adresimin e çështjeve rajonale e globale.
“Ditë historike për Shqipërinë dhe popullin shqiptar. Urime për zgjedhjen si anëtare e KS të OKB-së, për vitet 2022-2023.
Presim që të punojmë edhe më shumë së bashku, me adresimin e çështjeve rajonale e globale.
#Olta Xhaçka
#Shqipëria
#BE”, shkruan Soreca.
Këshilli i Sigurimit të OKB-së merret me ruajtjen e paqes dhe sigurisë në botë dhe ka kompetencë të miratojë sanksione apo të dërgojë paqeruajtës në rajonet e trazuara.
