“Këtë here dolëm huq”, ky është mesazhi me SMS mes të pandehurve që çoi në zbulimin e atentatit ndaj biznesmenit Andon Dhima. Kjo u bë pikënisja e hetimit, që bashkë me pamjet e kamerave, e bindën gjykatën që t’i linte në arrest me burg të dyshuarit.
Para nisjes së seancës Greta Matohiti, mota dhe bashkëshortja e dy prej të pandehurve, ka deklaruar se ditën e ngjarjes Grid Lenon dhe Mario Matohit kanë qenë në lokalin e tyre dhe për këtë ka edhe video.
“Im vëlla dhe burri ishin në lokal, njëri kamerier, duke punuar me pjata në duar jo me armë. Në video bëhet fjalë në orën 22:06 minuta, atentati është bërë në orën 22:09. Të flasim fillimisht për këtë, më pas për rajonin. Im vëlla vetëm të ketë ndonjë klon dhe të iki. Plus që ka patur mbi 20 vetë dëshmitarë”, tha Matohiti.
Denoncimi për atentatin u bë në Prokurori nga biznesmeni Andon Dhima, që pretendoi se kanë tentuar ta vrasin.
Ai ka dorëzuar pamjet e kamerave të sigurisë së pallatit të tij ku shfaqeshin dy persona te maskuar dhe me rroba policie te cilët futen pas tij në pallat, por biznesmeni ishte larguar me ashensor.
/Gazeta Reforma,com/
