Mesa duket viti 2018 ishte mjaft i suksesshëm për shërbimin e kardiokirurgjisë në Qendrën Spitalore Universitare në Tiranë.
Sipas të dhënave, bluzat e bardha kanë kryer gjithsej 865 operacione në zemër, ndërsa shkalla e vdekshmërisë ka qenë në dy pikë përqindjeje.
Ky numër operacionesh konsiderohet si rekord nga mjekët e kësaj qendre.
“Shërbimi i kardiokirurgjisë QSUT në këtë fund vit në datë 28 dhjetor 2018 me numrin rekord të arritur për herë të parë prej 865 intervente kardokirurgjikale me një vdekshmëri prej 2%. Një punë e jashtëzakonshme e të gjithë ekipit, kolegëve mjekë dhe infermierë.
Urime të gjithë stafit dhe atyre që na kanë mbështetur. Gëzuar dhe për shumë vjet festat ju heronjtë e heshtur që edhe kur të tjerët festojnë jeni në gadishmëri për të shpëtuar qoftë edhe një jetë më shumë.”- thuhet në një postim të shpërndarë në rrjetet sociale.
